Kipr "Pafos”unda çıxış edən Azərbaycan futbolçusu Murad Məmmədov yeni komandasında ilk qolunu vurub.
Sportinfo.az xəbər verir ki, 20 yaşlı yarımmüdafiəçi Avropa Liqasının III təsnifat mərhələsinin cavab oyununda Avstriyadan “Zalsburq”a qarşı keçirilən görüşün 82-ci dəqiqəsində meydana daxil olub və cəmi 2 dəqiqə sonra fərqlənməyi bacarıb.
Murad Məmmədov vurulan bu kritik qolla “Pafos”un hesabı 3:3 etməsinə böyük töhfə verib.
Lakin komandalar arasında Avstriyada keçirilən ilk oyunda “Zalsburq” 1:0 hesabı ilə qalib gəldiyi üçün iki oyunun nəticəsinə əsasən, mərhələ adlayan tərəf Avstriya təmsilçisi olub.
