"Qalatasaray”ın futbolçusu Kərəm Aktürkoğlu Avropa klublarının hədəfindədir.
Sportinfo.az xəbər verir ki, Fransanın “Lion”, “Lill”, İtaliyanın “Roma”, “Atalanta”, Almaniyanın “Volfsburq”, “Ştutqart”, “Ayntraxt” (Frankfurt) və İspaniyanın “Valensiya” klubu türkiyəli hücumçu ilə maraqlanır.
Sözügedən klubların nümayəndələri bu gün Avropa Liqasının qrup mərhələsinin 5-ci turu çərçivəsində keçiriləcək “Qalatasaray” – “Marsel” oyununda Kərəmi izləyəcək.
23 yaşlı hücumçu bu mövsüm 23 oyunda 6 qol vurub.