Avropa Liqasının qrup mərhələsində VI turun ən yaxşı qolu adına namizədlər bəlli olub.
Sportinfo.az UEFA-nın rəsmi saytına istinadən xəbər verir ki, siyahıda "Qarabağ"ın fransalı yarımmüdafiəçisi Yassin Benzianın Bakıda "Hakken"ə vurduğu qol da yer alıb.
29 yaşlı yarımmüdafiəçi 2:1 hesabı ilə qalib gəldikləri matçda komandasının sonuncu qolunun müəllifi olub.
Digər namizədlər İngiltərə "Brayton"undan Joau Pedro, Fransa "Renn"indən Lorents Assinyon və Yunanıstan "Olimpiakos"undan Daniel Podensedir.
Qalib UEFA-nın rəsmi saytında səsvermə yolu ilə bəlli olacaq.