.jpg)
«Qarabağ»ın baş məşqçisi Qurban Qurbanov futbolçularına sərt üzünü göstərib.
Təcrübəli mütəxəssis Avropa Liqasının üçüncü turunda «Bayer»ə 1:5 hesabıyla uduzandan sonra Premyer Liqada «Araz-Naxçıvan»a yenilən (1:2) komandaya narazılığını bildirib.
O, debütanta məğlubiyyəti qəbul etməyəcəyini söyləyib, vurğulayıb ki, hamı bunun bədəlini ödəyəcək.
Qurbanov ad çəkməsə də, bəzi oyunçuların işinə məsuliyyətlə yanaşmadığını diqqətə çatdırıb və müvafiq tədbirlər görəcəyini diqqətə çatdırıb.
Azərbaycanın ən yaxşı məşqçisi qeyd edib ki, komandanın daxili liqadakı nəticələri onu razı salmır və gedişat bundan sonra ölkə çempionatına daha ciddi fikir vermələrini göstərir.
«Qarabağ» 11 tur ərzində 3 məğlubiyyət alıb. Aktivində 6 qələbə olan Ağdam təmsilçisi 20 xalla turnir cədvəlinin 2-ci sırasında qərarlaşıb.
SPORTİNFO.AZ
.jpg)
