.jpg)
“Təəssüf ki, burada Azərbaycan çempionatının oyunları yayımlanmır”.
Bu sözləri Sportinfo.az-a açıqlamasında Rusiyada çalışan azərbaycanlı jurnalist Anar İbrahimov deyib.
O, əməkdaşımızın “Azərbaycan Premyer Liqası Rusiyadan necə görünür” sualını belə cavablandırıb:
“Hansısa turnir olanda, ya da Rusiya və Azərbaycan komandaları yoldaşlıq oyunları keçirəndə televizorda göstərirlər.
Adi bir şey deyim. “Zenit” yoldaşlıq matçı üçün Bakıya gedib-qayıdandan sonra klubda çalışan şəxslərdən biri ilə söhbət etmişdim.
O adam mənə demişdi ki, “Neftçi”nin yaxşı şəraiti var, bizə yüksək səviyyədə şərait yaradıldı və qonaqpərvərlik yüksək səviyyədə idi.
Məncə, bu, insanların Azərbaycan futbolu haqda hansı fikirdə olmasının sübutudur”.
.jpg)
