"Bu hadisələrdə kimin əli varsa, Allah bəlasını verib, çoxu ölüb”

26 Oktyabr 2023 03:40 Hadisə 1 275
"Bu hadisələrdə kimin əli varsa, Allah bəlasını verib, çoxu ölüb”

Xocalı rayonunun Meşəli kəndində soyqırımı törətməkdə ittiham olunanlardan biri - Vaqif Xaçatryanın cinayət işi üzrə məhkəmə araşdırması davam edir.

Bakı Hərbi Məhkəməsinin sədr əvəzi, hakim Zeynal Ağayevin sədrliyi ilə keçirilən iclasda zərərçəkmiş şəxslər dindirilir.

Artıq iş üzrə zərərçəkmiş qismində tanınmış şəxslərin dindirilməsi yekunlaşmaq üzrədir.

Bu gün son 8 nəfər ifadə verəcək.

Qeyd edək ki, Vaqif Xaçatryana qarşı Cinayət Məcəlləsinin 103-cü (Soyqırımı - hər hansı milli, etnik, irqi və ya dini qrupu, bir qrup kimi bütövlükdə və ya qismən məhv etmək məqsədilə qrup üzvlərini öldürmə, qrup üzvlərinin sağlamlığına ağır zərər vurma və ya onların əqli qabiliyyətinə ciddi zərər vurma) və 107-ci (Əhalini deportasiya etmə və ya məcburi köçürmə - əhalini qanuni yerləşdiyi yerlərdən başqa ölkəyə qovma və ya digər məcburi hərəkətlərlə didərgin salma) və digər maddələri ilə ittiham irəli sürülüb.

***

“İkinci Qarabağ müharibəsindən sonra qorxdunuzmu ki, Meşəli hadisələrinə görə sizi ittiham edərlər?” deyə prokuror Xaçatryandan soruşub. O isə cavabında Meşəliyə hücum edənlərə qarğış edib:

“Meşəli hadisələrində kimin əli varsa, Allah bəlasını versin. Allah onların canını alacaq. Onsuz bir çoxu orada öldü, bəziləri də 2020-ci ildə üçtərəfli bəyanatdan sonra kənddən qaçıb getdilər. Təkcə Badara kəndindən 220 nəfər getdi”.

***

Məhkəmə iclası yekunlaşıb. Proses noyabrın 1-də davam etdiriləcək.

Digər Xəbərlər
Xəbər Lenti