"Qalatasaray"ın futbolçusu Aleksandru Çikaldau üçün iki təklif gəlib.
Sportinfo.az xəbər verir ki, yeni mövsümdə heyətdə özünə yer tapa bilməyən rumıniyalı yarımmüdafiəçi daha çox oynayacağı komandaya keçmək istəyir.
25 yaşlı futbolçunu transfer etmək istəyən klublardan biri "Sivasspor"dur. Super Liqa təmsilçisi Çikaldaunu 1 mövsümlük icarəyə götürmək istəyir.
Digər təklif isə İtaliyadandır. "Sampdoriya" Rumıniya millisinin üzvünü transfer etmək üçün "Qalatasaray"a 5 milyon avro təklif edib. "Cim bom" isə yarımmüdafiəçini 7,5 milyon avrodan aşağı qiymətə satmağı düşünmür.