.jpg)
Türkiyə kubokunda 1/8 final mərhələsi başlayıb.
Sportinfo.az xəbər verir ki, ilk oyun günündə 3 matç baş tutub.
“Antalyaspor” aşağı liqa təmsilçisi “Bursaspor”un qonağı olub. Super Liqa təmsilçisi qarşılaşmanın taleyini ilk yarıdakı üç qolla həll edib.
Digər 1-ci liqa təmsilçisi “Adana Dəmirspor” “Sivasspor”a layiqincə müqavimət göstərib. Sivaslılar yalnız əlavə vaxtda vurulan topla 1/4 finala adlayıb.
Günə “Qalatasaray”ın oyunu ilə yekun vurulub. İstanbul təmsilçisi “Yeni Malatyaspor”un qonağı olub. Matçın qalibi penaltilər seriyasında müəyyənləşib. Daha dəqiq olan “Qalatasaray” mərhələ adlayıb.
12 yanvar
“Bursaspor” – “Antalyaspor” – 0:3
Özmert, 6 (pen.), Bayrakdar, 33, Yahoviç, 36
“Sivasspor” – “Adana Dəmirspor” – 2:1, əlavə vaxtda
Öztekin, 37, Yatabare, 116 – Akgün, 43
“Yeni Malatyaspor” – “Qalatasaray” – 1:1, pen. 6:7
Bulut, 102 – Luindama, 120
.png)
