“Mançester Yunayted”in futbolçusu Meyson Qrinvud onu təcavüzdə ittiham edən Herriet Robsonla evlənməyə hazılaşır.
Sportinfo.az xəbər verir ki, 21 yaşlı oyunçu bu barədə ailəsinə bildirib. Uşaq gözləyən cütlüyü bu günlərdə Londonda görüblər.
Keçən ilin yanvarında Robson sosial şəbəkələrdə bir neçə foto paylaşaraq zorlamaya məruz qaldığını açıqlamışdı.
Bundan sonra Qrinvud həbs edilmişdi. Bu ilin fevralında onun üzərindən bütün ittihamlar götürülüb.
“Mançester Yunayted” klubdaxili araşdırmalar yekunlaşana qədər futbolçunu komandadan uzaqlaşdırıb.
