Tennis üzrə Avstraliya açıq çempionatında maraqlı hadisə yaşanıb.
Sportinfo.az xəbər verir ki, dünyanın 5-ci raketkası Arina Sobolenko oyun zamanı evlilik təklifi alıb.
Hadisə 1/4 final zamanı baş verib. 25 yaşlı belaruslu Donna Vekiçlə qarşılaşma bitən kimi kortda müsahibə verib. Həmin an tribunadakı kişi “Arina, mənə gələrsən?” qışqırıb.
Özünü itirməyən Sobolenko təklifi cavabsız qoymayıb: “Gəl, bunu sonra müzakirə edək”.
Arina bu görüşdə 6:3, 6:2 hesablı qələbə qazanıb.
