Azərbaycanın şou-biznes məşhurları hansı komandanı dəstəkləyəcək?

11 İyun 21:00 Top Maqazin 495
Azərbaycanın şou-biznes məşhurları hansı komandanı dəstəkləyəcək?

Uzun müddətdir futbolçuların və azarkeşlərin həyəcanla gözlədiyi Avropa Çempionatı bu gündən start götürür.

Paytaxt Bakı mötəbər tədbirin keçirildiyi 11 şəhər siyahısına daxil olduğundan sabah ölkəmizdə də çempionatın ilk qarşılaşması olacaq. Uels və İsveç komandaları üz-üzə gələcək.

Bakıda keçirilən 4 oyunda Türkiyə, Uels və İsveçrə futbolçuları öz məharətlərini göstərəcəklər.

Sportinfo.az xəbər verir ki, BAKU.WS yerli məşhurların Avropa Çempionatı ilə bağlı fikilərini öyrənib. Onlar arasında sorğu keçirərək hansı ölkənin komandalarını dəstəklədiklərini xəbər alıb.

Bu haqda BAKU.WS-ə açıqlama verən Xalq artisti Mir Yusif Türkiyə komandasını dəstəklədiyini bildirib: "Əlbəttə, qonşu və qardaş Türkiyəni dəstəkləyirəm. Onların komandasından daha çox Hakan Çalhanoğlunu bəyənirəm”.

Mövzu ilə bağlı danışan Avroviziya təmsilçilərimizdən olan Eldar Qasımov isə Bakıda keçiriliəcək "Avro-2020” ilə bağlı bunları deyib:

"Pandemiya dövrü olsa da insanlar belə yarışların təşkil edilməsini çoxdan gözləyirdi. Onlarda bu yarışlarla bağlı artıq müəyyən coşğu var.

Bu mötəbər tədbirlər daim paytaxt Bakını diqqət mərkəzində saxlayır. Komandalara gəlincə isə, təbii ki, Azərbaycanda keçiriləcək yarışda çox istəyərdim ki, qardaş Türkiyə qalib gəlsin”.

Müğənni Sevda Yahyaya da açıqlaması zamanı sadəcə Türkiyəni dəstəklədiyini bildirib: "Türkiyəni dəstəkləyirəm. Favorit komandam Türkiyə millisidir”.

Çempionatla bağlı danışan müğənni Günay İbrahimli də qardaş ölkə Türkiyəyə dəstəyini ifadə edib: "Təbii ki, qardaş Türkiyəni dəstəkləyirəm. Qalib gələcəyinə də inanıram. Mübarizənin hansı sahədə olmasından asılı olmayaraq biz qardaşlarımızı dəstəkləyirik”.

Aparıcı Tarix Əliyev (Tolik) isə matçlara gedə bilməsə də Türkiyəni dəstəklədiyini vurğulayıb: "Avro-2020 oyunlarında biz hər birimiz Türkiyə milli komandasını dəstəkləməliyik.

Təbii ki, ölkəmzidə Uels və İsveçrə komandalarına da azarkeşlik edənlər var. Amma düşünürəm ki, biz Türkiyə ilə qardaşıq və birləşib türk komandasına dəstək olmalıyıq. Türkiyə futbolçularına da uğurlar arzu edirəm. İnanıram ki, onlar qalib gələcək”.

Müğənni Elton Hüseynəliyev də açıqlaması zamanı Türkiyəyə dəstək olduğunu deyib: "Yarışlarda iştirak edəcəm. Təbii ki, favorit komandam Türkiyədir. O yığmanın futbolçularını dəstəkləyirəm”.

Müğənni Dilarə Kazımova isə ümumiyyətlə futbol komandalarına azarkeşlik etmədiyini deyib: "Sonuncu dəfə 10-15 il əvvəl mən futbolla maraqlanırdım.

Onda favorit komandalarım var idi. Lakin indi yoxdu. Amma hər halda çempionat zamanı yarışan hər bir komandaya uğurlar arzu edirəm”.

Müğənni Murad Arif isə müəyyən səbəblərdən bu haqda danışmaq istəmədiyini bildirib.

Avropa çempionatının açılış mərasimi və ilk matçı bu gün keçiriləcək. İtaliyanın paytaxtı Romada baş tutacaq qarşılaşma zamanı İtaliya və Türkiyə komandaları üz-üzə gələcək.

Digər Xəbərlər
Xəbər Lenti
23 İyul 13:00 Həminki "Qarabağ"
22 İyul 23:10 "Buna imkan vermədilər"