Bu, Azərbaycan millisində ilk dəfə olacaq - FOTO

6 Mart 2020 09:00 Tokio-2020 650
Bu, Azərbaycan millisində ilk dəfə olacaq - FOTO

Beynəlxalq Olimpiya Komitəsinin icraiyyə komissiyasının Tokio-2020 Yay Olimpiya Oyunlarının açılışında hər ölkədən 2 bayraqdarın olması haqda qərar verib.

Azərbaycan Milli Olimpiya Komitəsinin mətbuat xidmətindən Sportinfo.az-a verilən məlumata görə, bu qərar müsbət qiymətləndirib.

Bu haqda Beynəlxalq Olimpiya Komitəsinin İcraiyyə Komissiyasının qərarını şərh edən Milli Olimpiya Komitəsinin vitse-prezidenti Çingiz Hüseynzadə bildirib.

Beynəlxalq Olimpiya Komitəsi gender bərabərliyinin tənzimlənməsi məqsədilə Tokio-2020 Yay Olimpiya Oyunlarının açılış mərasimində kişi və qadın bayraqdarın olmasının vacibliyini vurğulayıb və bu məqsədlə Milli Olimpiya Komitələrinə müraciət edib.

Çingiz Hüseynzadənin sözlərinə görə, Olimpiya oyunlarında bayraqdar statusu qazanmaq idmançılar üçün çox əhəmiyyətlidir. Beynəlxalq Olimpiya Komitəsinin bu tarixi qərarını dəstəkləyən Azərbaycan, Yay Olimpiya Oyunlarında ölkənin ilk qadın bayraqdarının seçilməsinə xüsusi həssaslıqla yanaşacaq.

Olimpiya tarixində Nazim Hüseynov, Nizami Paşayev, Fərid Mansurov, Elnur Məmmədli, Teymur Məmmədov, Sergey Rılov, İqor Lukanin və başqa nüfuzlu idmançılar bayraqdar olaraq açılış mərasimlərində Azərbaycanı təmsil ediblər.

Xəbər Lenti