Tokio Yay Olimpiya Oyunlarında iştirak edəcək Azərbaycan idmançılarının bir qrupu artıq Yaponiya paytaxtındadır.
Yarışda mübarizə aparacaq taekvondo, boks, cüdo və idman gimnastikası üzrə milli komandalarımız olimpiya şəhərinə çatıb.
Tokio-2020-nin təntənəli açılış mərasimi iyulun 23-də keçiriləcək. Ertəsi gün Bakı vaxtı ilə səhər 05:00-dan etibarən yarışlara start veriləcək.
Azərbaycan idmançılarından ilk olaraq mübarizəyə idman gimnastı İvan Tixonov, cüdoçular - Kəramət Hüseynov (60 kq) və Aişə Qurbanlı (48 kq), həmçinin boksçular - kubalı legionerlər Lorenso Sotomayor (69 kq) və Alfonso Dominges (81 kq) qoşulacaq.
SPORTİNFO.AZ