8 gün sonra - iyulun 23-də Tokio Olimpiadasının təntənəli açılış mərasimi keçiriləcək.
Medallar uğrunda mübarizə isə bundan 2 gün əvvəl başlayacaq.
Əvvəlki olimpiadalar futbol ilə başlasa da, bu dəfə Olimpiya Oyunlarında mübarizəyə softbol yarışı ilə start veriləcək. İyulun 21-də Bakı vaxtı ilə gecə saat 4-də Avstraliya və İspaniya yığmaları meydana çıxacaq.
Softbol fasilələrlə 3-cü dəfədir olimpiya proqramına daxil edilib. Bundan əvvəl Atlanta-96 və Pekin-2008-də olimpiadada softbol olub.
Tokio-2020-də softbol üzrə ilk qarşılaşmadan bir neçə saat sonra, Bakı vaxtı ilə 11:30-da isə qadınların futbol yarışına start veriləcək.
Bu növdə ilk görüş Böyük Britaniya ilə Çili komandaları arasında baş tutacaq. Kişilər arasında futbol yarışı isə açılış mərasimindən 1 gün əvvəl start götürəcək.
İyulun 22-si Bakı vaxtı ilə saat 11:30-da başlanacaq ilk matçda Misirlə İspaniya üz-üzə gələcək.
SPORTİNFO.AZ