Rusiyanın Xantı-Mansiysk şəhərində davam edən şahmat üzrə Dünya Kubokunda yarımfinal mərhələsinin ilki görüşləri oynanılıb.
Sportinfo.az-ın məlumatına görə, bu mərhələdə Azərbaycan qrossmeysteri Teymur Rəcəbov Fransa şahmatçısı Maksim Vaşye-Laqravla qarşılaşıb.
Tərəflər arasında ilk duel heç-heçə yekunlaşıb. Növbəti görüş sabah olacaq. Orada da bərabərlik qeydə alınarsa, qalib sentyabrın 28-də tay-breykdə müəyyənləşəcək.
İki Çin şahmatçısı - Dinq Liren və Yu Yanq Li arasındakı digər yarımfinal görüşü də heç-heçə bitib.
Dünya Kubokuna oktyabrın 4-də yekun vurulacaq. Sonuncu gün həlledici görüşlər üçün tay-breyk qarşılaşmaları nəzərdə tutulub. Turnirin mükafat fondu 1,6 milyon dollardır. Qalib 110 min dollar, finalçı isə 80 min dollar əldə edəcək.