.jpg)
“Vilyarreal”a qalib gəlsəydik, son turda “Makkabi” ilə matçda heç-heçə sərf edəcəkdi”.
Sportinfo.az xəbər verir ki, bunu “Sivasspor”un məşqçisi Bülənt Albayrak Avropa Liqasının qrup mərhələsində “Vilyarreal”la (İspaniya) keçirilən oyundan sonra deyib.
Sivaslılar rəqibə 0:1 hesabı ilə məğlub olsa da, İsrail təmsilçisi “Makkabi”nin Azərbaycan çempionu “Qarabağ”la bərabərə qalması (1:1) səbəbindən şansını davam etdirib.
Baş məşqçi Rıza Çalımbay koronavirusa yoluxduğu üçün komandanı meydana çıxaran Bülənt Albayrak İsrailə yalnız qələbə üçün yollanacaqlarını söyləyib:
“Makkabi”nin “Qarabağ” önündə büdrəməsi şansımızı son tura saxladı. Belə bir məqamda “Vilyarreal”a uduzmaqla heç-heçə etmək arasında heç bir fərq görmürəm.
Hər iki halda son turda qələbə yeganə çarədir. Təl-Əvivə final görüşünə çıxmağa gedəcəyik. “Makkabi”ni səfərdə üstələyəcək gücdəyik”.
Dekabrın 10-da keçiriləcək son tur oyunlarında “Sivasspor” “Makkabi”nin, “Qarabağ” isə “Vilyarreal”ın qonağı olacaq.
.jpg)
.jpg)
