"Çətin oyun oldu, yaxşı komandaya qarşı oynadıq”.
Sportinfo.az xəbər verir ki, bu sözləri “Qarabağ”ın məşqçisi Elçin Rəhmanov deyib.
O, Avropa Liqasının qrup mərhələsinin V turunun “Makkabi” (Təl-Əviv, İsrail) ilə İstanbulda keçirilən ev oyunu (1:1) barədə fikirlərini açıqlayıb: “Qələbə üçün meydana çıxmışdıq.
Oyunun gedişatı onu göstərirdi ki, hər iki komanda fərqlənə bilərdi, yekunda 1 xal qazandıq. Futbolçulara təşəkkür edirəm, yaxşı mübarizə apardılar, xarakter göstərdilər".
“Qarabağ”ın baş məşqçisi Qurban Qurbanov koronavirusa yoluxduğu üçün matça yollanmayıb.