Avropa Liqasının qrup mərhələsində Təl-Əviv “Makkabi”si ilə qarşılaşacaq “Qarabağ”ın İsrailə yollanacağı tarix müəyyənləşib.
Sportinfo.az xəbər verir ki, baş məşqçi Qurban Qurbanov qarşılaşmadan bir gün əvvəl komandanı səfərə aparacaq.
Matçın hazırlıqlarını öz bazasında davam etdirən ağdamlılar koronavirus testindən keçdikdən sonra oktyabrın 21-də (aat 11:00-da) İsrailə gedəcək. Günorta saatlarında Təl-Əvivdə olması gözlənilən komanda həmin gün axşam son məşqinə çıxacaq.
Oktyabrın 22-də Təl-Əvivdə keçiriləcək “Makkabi” – “Qarabağ” oyunu Bakı vaxtı ilə saat 23:00-da başlayacaq.