Çempionlar Liqasının III təsnifat mərhələsində "Qarabağ"la qarşılaşacaq Norveç "Molde"sində zədəli futbolçuların durumuna aydınlıq gəlib.
Sportinfo.az xəbər verir ki, bu barədə komandanın baş məşqçisi Erlinq Moe açıqlama verib.
50 yaşlı mütəxəssis 3 ay əvvəl dizindən zədələnən yarımmüdafiəçi Stian Qriqersenin yenidən oynamağa hazır olduğunu bildirib. Norveçli baş məşqçi Mathis Bollinin də görüşdə iştirak edəcəyini söyləyib.
Kiprin Larnada şəhərindəki "AEK Arena"da oynanılacaq "Qarabağ" - "Molde" matçı Bakı vaxtı ilə 21:00-da başlayacaq.