“Təsnifatın bu mərhələsində bir oyun olacaq. Bu səbəbdən də bəzi komandalar üçün çətin matçların olması mütləqdir”.
Sportinfo.az xəbər verir ki, bunu “Qarabağ”ın sabiq yarımmüdafiəçisi Artim Şakiri deyib.
Şakiri 2008/09 mövsümündə Ağdam klubunun formasını geyinib. Şimali Makedoniya millisinin sabiq üzvü Çempionlar Liqasının I təsnifat mərhələsinin püşkatmasına münasibət bildirib.
O, Azərbaycan çempionu “Qarabağ”ı Şimali Makedoniya təmsilçisi “Sileks”lə dueldə aşkar favorit sayır: “Mən düşünürəm ki, “Qarabağ” “Sileks”ə qalib gələcək. Görüş Bakıda keçiriləcək. Bu da “Sileks” üçün mənfi məqamdır. İstənilən halda, “Qarabağ” aşkar favoritdir. Amma futbolda sürprizlər çox olur”