Çempionlar Liqasının I təsnifat mərhələsində "Qarabağ"a rəqib olacaq "Sileks" Şimalı Makedoniya liqasında ilk tur matçına çıxıb.
Sportinfo.az xəbər verir ki, Kratovo təmsilçisi "Belasitsa"nın qonağı olub.
Görüş "Sileks"in böyük hesablı qələbəsi ilə yekunlaşıb - 6:0. Qolların hamısı ikinci hissədə vurulub. İvan İvanovski 47-ci, Pepi Georgiyev 59-cu, Denis Ristov 70-ci və 84-cü, Stefan Curiç 88-ci və Kristiyan Kostovski 90+2-ci dəqiqədə fərqlənib.
"Qarabağ" "Sileks"lə avqustun 18-də və ya 19-da Bakıda qarşılaşacaq.