"Futbola altı yaşımdan başladım, çox həvəsli idim. Məqsədimə doğru gedirdim".
Sportinfo.az xəbər verir ki, bu sözlər "Qarabağ"ın hücumçusu Mahir Emreliyə məxsusdur.
Millinin də aparıcı siması olan forvard futbola gəlişindən danışıb: "Təlim məşqlərimiz çox olurdu və dərslərimi çatdıra bilmirdim.
Valideynlərim məşqçilərin yanına gəldi və dedilər ki, bu uşaqda həvəs varsa, dərslərini azaldaq və tam fikrini futbola verək. Mən də məqsədimə çatmaq üçün əlimdən gələni etdim.
Amma yenə də inkişaf etməli və üzərimizdə işləməliyik. "Qarabağ" olaraq, hər zaman Qarabağın adını layiqincə təmsil etməyə çalışırıq".