Bilindiyi kimi, "Qarabağ" ilk transferini həyata keçirməyə hazırlaşır.
Ağdam təmsilçisi kolumbiyalı mərkəz müdafiəçisi Kevin Medina ilə prinsipial razılığa gəlib.
Sportinfo.az-ın məlumatına görə, 27 yaşlı stopperlə 3 illik (2+1) müqavilə imzalanacaq. Son klubu Portuqaliyada "Deportivu Şaviş" olan cənubi amerikalının bu ayın sonunadək – sərhədlər açılandan sonra Azərbaycana gəlməsi planlaşdırılır.
Medina hələ yanvarda "Qarabağ"la anlaşıb. Sadəcə, həmin vaxtadək artıq iki dəfə klub dəyişdiyindən, Azərbaycan çempionu onun transferini yaya saxlamaq məcburiyyətində qalıb.
Maraqlıdır ki, kolumbiyalının peşəkar futbol karyerası yalnız Portuqaliya ilə bağlıdır. O, əvvəllər "Naval", "Mura", "Sintrens", "Pinalnovens" və "Akademika Viseu" klublarında çıxış edib.