Dünən "Milan"la müqavilə bağlayan Asmir Beqoviçin yeni klubunda qazanacağı məbləğ bəlli olub.
Sportinfo.az İtaliya mətbuatına istinadən xəbər verir ki, bosniyalı qolkiperin 6 aylıq gəliri ümumilikdə 500 min avro olacaq. Bu isə Milan təmsilçisini "Aston Villa"ya dəyişən Pepe Reynanın yarım illik məvacibindən 1 milyon azdır. 37 yaşlı qolkiper "Milan"da ilinə 3 milyon avro qazanırdı. Bu mənada, Beqoviçin tranasferi klubu maliyyə baxımından da irəli salıb.
Müqavilə ilə "Bornmut"a məxsus olan 32 yaşlı qolkiper cari mövsümün ilk hissəsini icarə əsasında "Qarabağ"da keçirib.