"Qarabağ"la icarəsi başa çatan və klubu "Bornmut"a geri qayıdan Asmir Beqoviç karyerasının İtaliya nəhəngi "Milan"da davam etdirə bilər.
Sportinfo.az-ın "MilanNews"a istinadən verdiyi məlumata görə, İngiltərə klubunun bosniya və herseqovinalı qapıçısı Canluici Donnarummanın əvəzedicisi kimi gözdən keçirilir.
İddia olunur ki, 33 yaşlı oyunçu "Aston Villa"ya yollanan Pepe Reynanın yerinə alınacaq. "Qırmızı-qaralar"a ikinci qapıçı kimi Co Hart və Lukaş Fabianski də namizəd olduğu halda, Beqoviçə üstünlük verilib.
Asmir Beqoviç "Qarabağ"da mövsümün ilk yarısında forma geyinib. Onun "Bornmut"la müqaviləsi 2021-ci ilin iyununa qədərdir.