.jpg)
Bugünlərdə «Kayserispor»un baş məşqçisi təyin olunan Robert Prositneçki Azərbaycandan tanıdığı şəxsi özüylə aparıb.
Sportinfo.az-ın məlumatına görə, bu, Radişa Milosavljeviçdir.
Bosniya və Herseqovina yığmasından ayrılandan sonra Azərbaycana qayıtmayan və Türkiyəyə yollanan xorvatiyalı mütəxəssis «Qarabağ»ın fizioterapevtini yeni iş yerinə dəvət edib.
2014-cü ildən Ağdam klubunda çalışan Milosavljeviç bu təklifi müsbət cavablandırıb və gedib.
Serbiyalı Azərbaycandakı fəaliyyətinə 2012-cü ildən başlayıb. O, Bojidar Bandoviçin vaxtında «Bakı»da çalışıb. Prosineçki ilə şəxsi tanışlığı 2015-ci ilə təsadüf edib. Xorvatiyalı yığmanın sükanı arxasına keçəndən sonra onun xidmətinə ehtiyac duyub.
.jpg)
