İcarə müqaviləsi başa çatdığı üçün qış fasiləsində "Qarabağ"dan ayrılan Asmir Beqoviçin "Bornmut"dakı taleyi sual atlındadır.
Sportinfo.az xəbər verir ki, bu barədə komandanın baş məşqçisi Eddi Hou Britaniya mətbuatına açıqlamasında məlumat verib. İngiltərəli mütəxəssis 32 yaşlı qolkiperin hələ istirahətdən qayıtmadığını bildirib:
"Beqoviç hələ ki, dincəlir. Hesab edirəm ki, yaxın günlərdə düşərgəyə qayıdacaq. Hələlik gözləyirik. Görək, Asmirlə bağlı növbəti addım necə olacaq".
Mövsümün ilk hissəsini icarə əsasında "Qarabağ"da keçirən bosniya və herseqovinalı qapıçı ilə İngiltərənin "Vest Hem", "Derbi" və "Birmingem" klubları yaxından maraqlanır.