Türkiyənin "Boluspor" klubu "Qarabağ"ın sabiq futbolçusu Con Delarjı heyətinə qatıb. Sportinfo.az klubun rəsmi saytına istinadən xəbər verir ki, 30 yaşlı konqolu hücumçu ilə mövsümün sonuna kimi müqavilə imzalanıb.
Delarj daha öncə Türkiyədə “Osmanlıspor” və “Buraspor”un şərəfini qoruyub. Forvard “Qarabağ”a 2018-ci ilin yayında məhz Bursa klubundan keçib.
Afrikalı oyunçu Ağdam təmsilçisində heyətə düşə bilmədiyi üçün cari mövsümün əvvəlində komandadan göndərilib. Delarj son olaraq, Çexiyanın "Dinamo" (Çeske-Budeyovitsa) komandasının formasını geyinib.