"Qarabağ" ən tanınmış və güclü klublara qarşı da inamlı futbol oynamağı bacarıb. Düzdür, rəqib çox güclüdür. Amma istənilən halda "Qarabağ"a inanmaq olar".
Bu sözləri Sportinfo.az-a açıqlamasında "Qarabağ"ın sabiq qapıçısı Miro Varvodiç deyib.
Ağdam təmsilçisinin qapısını qorumuş xorvatiyalı əlcək sahibi Azərbaycan çempionunun Avropa Liqasının beşinci turu çərçivəsində "Sevilya"ya qarşı oyununda da uğurlu nəticə qazana biləcəyini bildirib: "Sevilya" favoritdir.
Amma unutmayaq ki, "Qarabağ" da istənilən komandaya qarşı inamlı təsir bağışlaya bilir. "Qarabağ"ın İspaniyada uğurlu nəticəyə imza atmaq şansı var. Sadəcə, diqqətli oynayıb, qol epizodlarından da maksimum istifadə etmək lazımdır".