.jpg)
“Qarabağ»ın kapitanı Rəşad Sadıqov Premyer Liqanın son 2 turunda meydana çıxmayıb. O, öncə "Səbail", dünən isə "Neftçi" ilə qarşılaşmaları ehtiyat skamyadan izləyib. Bu, heç də təcrübəli müdafiəçinin zədəli olmasıyla bağlı deyil.
Sportinfo.az-ın məlumaitına görə, "14 nömrə" bunu şəxsən Qurban Qurbanovun özündən xahiş edib. Sadıqov hələ də APOEL-lə Bakıda matçın (2:2) psixoloji gərginliyi altında olduğunu bildirib və özünə gəlməsi üçün baş məşqçidən bir qədər zaman istəyib.
Qurbanov ona noyabrın 7-də Nikosiyadakı cavab görüşünə hazırlaşmasını tapşırıb. Ancaq bilinmir ki, Rəşad həmin gün meydana ayaq basacaq, ya yox. Bu suala Qurbanovla Sadıqov arasındakı növbəti təkbətək söhbətdə aydınlıq gələcək.
.jpg)
