Bosniya və Herseqovina yığmasının baş məşqçisi Robert Prosineçki "Qarabağ"ın qapıçısı Asmir Beqoviçi milliyə çağırmamasının səbəbini izah edib.
Sportinfo.az xəbər verir ki, 50 yaşlı mütəxəssis 32 yaşlı qolkiperin yenidən düşərgəyə dəvət olunacağını bildirib.
"Beqoviçi yığmaya çağırmaq istəyirdim. Lakin düşündüm ki, "Qarabağ"da yeni oynamağa başlayıb. Bu komanda ilə onlar Avroliqada yaxşı çıxış edirlər, Beqoviç də oyun təcrübəsini artırır. Düşünürüəm, millidə Beqoviçə yer olacaq".
Xorvat məşqçi AÇ-2020-nin seçmə qrup mərhələsinin son - İtaliya və Lixtenşteynlə oyunlar üçün yığmaya “Ərzurumspor”da çıxış edən sabiq "Qarabağ"lı İbrahim Şehiç, “Maribor”dan Kenan Piriç və “Hapoel”dən (Hayfa) Jasmin Buriçi dəvət edib.