.jpg)
"Qarabağ"la 3,5 illik müqavilə imzalayan Redon Cicanın Azərbaycanda qazanacağı pulun məbləği müəyyənləşib.
Albaniya yığmasının vingeri Ağdam klubunda keçirəcəyi ilk mövsümdə 160 min avro civarında vəsait əldə edəcək.
Növbəti sezonlarda isə əməkhaqqısı 10-15 faiz miqdarında artırılacaq.
Halbuki sosial şəbəkələrdə başqa rəqəmlərdən danışılırdı. İddia olunurdu ki, Cica burada qaz vurub, qazan dolduracaq, illik 700-800 min avroya sahiblənəcək.
Son olaraq ölkəsində "Tirana"nın formasını geyinmiş 25 yaşlı hücumameyilli yarımmüdafiəçi ilə anlaşmanın müddəti 2026-cı il iyunun 30-dəkdir. O, yeni klubunda 99 nömrəli forma ilə çıxış edəcək.
Cica karyerası ərzində yalnız öz ölkəsində çıxış edib. "Şkendiya"nın yetirməsi 2017-ci ildə "Laçi"yə keçib və 4 mövsüm bu komandanın şərəfini qoruyub.
O, 2021-ci ildən formasını geyindiyi "Tirana"da 49 oyuna 29 qol vurub. "Qarabağ" bu keçid üçün paytaxt təmsilçisinə 450 min avro civarında təzminat ödəyib.
SPORTİNFO.AZ
.jpg)
