“Qarabağ”ın braziliyalı qapıçı Vana Alves üçün təklifi rədd edilib.
Sportinfo.az xəbər verir ki, bu barədə “themasports.tothemaonline.com” saytı məlumat yayıb.
Bildirilib ki, Azərbaycan çempionu “Aris”in qolkiperinin transferi üçün qarşı tərəfə cəlbedici təklif göndərib.
Lakin Limassol təmsilçisi bunu qəbul etməyib. 32 yaşlı kiper “Qarabağ” da daxil olmaqla, bir neçə klubun maraq dairəsindədir.
2021-ci ildən “Aris”in formasını geyinən Vana Alves karyerası ərzində “Koritiba” (Braziliya) və “Portu” (Portuqaliya) kimi klublarda çıxış edib.