“Qarabağ”ın aparıcı futbolçusu Kevin Medina yaxın 3 ay ərzində komandasına kömək edə bilməyəcək.
Səbəb kolumbiyalı futbolçunun qasıq bağlarında yırtığın aşkarlanmasıdır.
Çempionlar Liqasının ikinci təsnifat mərhələsinin “Sürix”lə cavab oyununda (2:2) zədələnən “tank” ləqəbli müdafiəçi əməliyyat olunmalıdır.
Sportinfo.az xəbər verir ki, Kevin bu gecə Almaniyaya yola düşəcək. Münhen şəhərində cərrah bıçağı altına uzanacaq, ardınca Bakıya qayıdacaq.
Medina 2020-ci ildən “Qarabağ”ın şərəfini qoruyur ki, bu müddətdə ölkə çempionu olub, kubok qazanıb, ötən il Konfrans Liqasının qrup mərhələsində və 1/32 final mərhələsində mübarizə aparıb.
HƏBİB