“Qarabağ”lı futbolçuların arasında sıx dostluq bağlarının olması danılmaz faktdır.
Komandada ayrı-ayrı ölkələrdən olan futbolçular arasında qruplaşma hiss olunmur, biri digərini görməməzlikdən gəlmir.
İndiyə qədər kollektivdə sağlam əhval-ruhiyyənin olması ilə bağlı saysız faktlara rast gəlmişik. Bu dəfə xoş görüntü braziliyalı Kadi Borgeslə əslən mərakeşli fransız Abdullah Zubir arasında yaşanıb.
Borges “instagram” hesabında “köhlən atlar”ın mayın 17-də “Dreamland”da baş tutan tədbirində Abdullah ilə çəkdirdiyi şəklini paylaşaraq altına bu sözləri yazıb:
“İndiyə qədər gördüyüm ən yaxşılardan biri. Sənin yanında bundan həzz almaq xoşdur”.
Zubirin cavabı özünü çox gözlətməyib. Sol cinahın “ağa”sı sol cinahın “usta”sına təxminən eyni cür cavab verib:
“Sən ən yaxşısan! Daha bir neçə il səninlə oynamağı arzulayıram, mənim qardaşım. Sənə həyatında ən gözəl şeyləri arzulayıram”.
Abdullahla Kadi “Qarabağ”ın topla rəftarı sevən ən texnikalı futbolçuları hesab olunur.
HƏBİB / SPORTİNFO.AZ