Konfrans Liqasının qrup mərhələsinin 6-cı turunda “Bazel”in qonağı olacaq “Qarabağ” bu gün İsveçrəyə yollanacaq.
Ağdam təmsilçisini Bazel şəhərinə aparacaq təyyarə saat 18:00-da Heydər Əliyev Beynəlxalq Hava Limanından yola düşəcək.
Ötən həftəsonu “Sabah”la keçirilən Premyer Liqanın 13-cü tur matçını (5:1) buraxan Kevin Medina səfər qafiləsində yer alacaq.
Kolumbiyalı müdafiəçi dekabrın 9-da təşkil olıunacaq qqrup mərhələsinin son turunda meydana çıxa biləcək.
Məşqin sonunda ayağında ağrı hiss edən və 2 dəfə MRT müayinəsindən keçən legionerin zədəsi ciddi deyil. Cənubi amerikalının ayağının arxa bud əzələsində cuzi qanaxma olub ki, bu da fiziki yüklənmə ilə əlaqədardır.
Medina məşqçilər korpusuna bildirib ki, özünü yaxşı hiss edir və komandaya kömək etməyə hazırdır.
"Qarabağ" və "Bazel" H qrupunda 11 xala malikdir və pley-offa vəsiqəni təmin edib. Ağdam təmsilçisi yalnız qələbə sayəsində qrup lideri ola və 1/8 finala yüksələ bilər.
SPORTİNFO.AZ