.jpg)
Sergey Kravçenko illər öncə "Qarabağ"dan ayrılmasının səbəbini açıqlayıb.
Sportinfo.az xəbər verir ki, hazırda Ukraynada "Çernomorets"in şərəfini qoruyan yarımmüdafiəçi Azərbaycandan getməsi haqda yerli mətbuata bunları söyləyib:
"Azərbaycan çempionatında qış fasiləsi yarandıqdan sonra Ukraynaya qayıtdım və Donetskdə keçirilən turnirdə iştirak etdim.
"Vorskla"nın nümayəndələri oyunumu görüb məni baxışa çağırdılar. "Qarabağ"la 6 aylıq müqaviləm qalmışdı.
Amma danışıq olmuşdu ki, yaxşı təklif gəlsə, məni buraxacaqlar. Həmin ərəfədə Azərbaycandan 2 sərfəli təklif aldım.
Aylıq 10000 dollar verirdilər. Mən isə "Vorskla" ilə bundan 3 dəfə az maaşa müqavilə bağladım".
Sergey Kravçenko 2005/2006 mövsümünün ilk hissəsində "Qarabağ"ın formasını geyinib. Donetsk "Şaxtyor"unun yetirməsi olan yarımmüdafiəçi 10 dəfə Ukrayna millisində çıxış edib və 1 qol vurub.
.jpg)
.jpg)
