.jpg)
.jpg)
“Qarabağ” cari mövsümdə parlaq çıxışını davam etdirməkdədir.
Avrokubokların təsnifat mərhələsindəki 6 oyunun heç birində məğlub olmayan ağdamlılar, qrupdakı 2 matçda da uduzmayıb.
Üstəgəl, ölkə çempionatının startından bu yana 7 oyunluq məğlubiyyətsiz seriya davam etməkdədir.
Qısası, Qurban Qurbanovun yetirmələri 2020-21 mövsümünün sonuncu turunda – mayın 19-da “Neftçi”yə məğlub olandan sonra (0:1) düz 15 rəsmi qarşılaşma, başqa cür desək, 5 aydır ki, yenilginin nə olduğunu bilmir.
Hələ bu harasıdır? “Köhlən atlar”ın məhsuldarlığı da göz oxşayır. “Qarabağ” iyulun 22-dən bu yana keçirdiyi 15 görüşün yalnız 2-də meydanı qolsuz tərk edib.
Bunlar “Aşdod” və “Bazel”lə Bakıdakı oyunlardır. Digər 13 matçın hamısında qol istəyinə çatan “Avropa fatehi” ümumilikdə 24 qol vurub. Bu isə hər oyunda təxminən 2 qol deməkdir.
SPORTİNFO.AZ
.jpg)
