"Qarabağ"dan təklif gələn kimi klub prezidentindən xahiş etdim ki…"

10 Oktyabr 2021 20:40 Qarabağ 1 816
"Qarabağ"dan təklif gələn kimi klub prezidentindən xahiş etdim ki…"

"Sivasspor"da çıxış edən "Qarabağ"ın sabiq futbolçusu Pedro Enrike "Gaz.com" nəşrinə müsahibə verib.

Sportinfo.az xəbər verir ki, 31 yaşlı yarımmüdafiəçi Azərbaycanda çıxış etdiyi dönəmi də xatırlayıb.

Braziliyalı oyunçu 2017/2018 mövsümündə Çempionlar Liqasının qrup mərhələsində Bakıda "Roma"ya uduzduqları oyundan da danışıb:

"Turnirdəki ilk qolu vurmaqla arzuma çatdım. Ürəyim qırılmışdı, "Qarabağ"dan təklif gələn kimi müqavilə ilə məxsus olduğum Yunanıstanın PAOK klubunun prezidentinin məni göndərməsini xahiş etdim.

Azərbaycanda çıxış etmək istəyim Çempionlar Liqasının qrupunda oynamaq arzusu ilə bağlı idi. Bu arzumu da gerçəkləşdirdim".

Enrike Ağdam təmsilçisində azarkeşlərin sevimli oyunçusuna çevrildiyini vurğulayıb. O, imkan olacağı təqdirdə karyerasını yenidən ölkəsində davam etdirmək istədiyini söyləyib.

Pedro Enrike 2017/2018 mövsümündə icarə əsasında “Qarabağ”da çıxış edib.

Enrike "Qarabağ"ın Bakıda "Roma"ya 1:2 hesabı ilə uduzduğu matçda fərqlənməklə, Azərbaycan futbol tarixində ÇL-in qrup mərhələsində qol vuran ilk oyunçu olub.

Digər Xəbərlər
Xəbər Lenti