"Qarabağ" sabiq futbolçusu Riçard Almeydanı heyətinə qatıb.
Bu barədə Sportinfo.az-a açıqlamasında komandanın mətbuat xidmətinin rəhbəri Gündüz Abbaszadə məlumat verib.
Klub rəsmisi braziliyalı futbolçu ilə 1 illik müqavilənin bağlanmasının nəzərdə tutulduğunu da sözlərinə əlavə edib.
Milliləşdirilmiş yarımmüdafiəçi ötən mövsümü “Zirə”də keçirib və “Qarabağ”a azad agent kimi transfer olunacaq.
Almeyda 2011-18 və 2019-20-cu illərdə də “Qarabağ“da çıxış edib.
Riçard Almeydanın "Qarabağ"a qayıtması xəbərini ilk olaraq Futbolinfo.az saytı yayıb.