"Qarabağ" çox güclü komandadır, ardıcıl 7 il Azərbaycan çempionu olub.
Aydın məsələdir ki, onların büdcəsi AEL-dən xeyli çoxdur. Amma fikrimcə, iki çox yaxşı və rəngarəng oyun alınacaq".
Sportinfo.az xəbər verir ki, bunu əvvəllər "Keşlə"də çıxış etmiş Georgios Georgiadis keçmiş klubu Kipr AEL-inin "Qarabağ"la keçirəcəyi Konfrans Liqasının III təsnifat mərhələsinin oyunları barədə danışarkən deyib.
AEL-ə uğurlar arzulayan 34 yaşlı yarımmüdafiəçi bildirib ki, Bakı komandasını tərk etdikdən sonra Azərbaycan çempionatının qarşılaşmalarına az baxıb.
Lakin o, komandalar barədə çox şey bildiyini diqqətə çatdırıb: "Biz "Qarabağ"ı daim Avropada görürük. AEL-in oyunlarını isə çox izləyirəm.
Kipr komandası son zamanlar daha da yaxşılaşıb. Burada gözəl futbolçulardan ibarət güclü kollektiv formalaşıb. Lakin bir komanda kimi inkişaf etmək üçün ən yaxşısı, "Qarabağ"ı keçməkdir".