"Bizi "Qarabağ"a qarşı iki çətin qarşılaşma gözləyir.
Növbəti raunda adlamaq üçün hər iki matçda möhtəşəm oynamaq istəyirik".
Sportinfo.az xəbər verir ki, bu fikirləri AEL-in (Kipr) futbolçusu Euller Silva "Qarabağ"a qarşı keçirəcəkləri Konfrans Liqasının III təsnifat mərhələsinin oyunları barədə "Lance" nəşrinə açıqlamasında deyib.
26 yaşlı braziliyalı müdafiəçi hər iki görüş üçün çox motivasiyalı olduqlarını bildirib: "Qrup mərhələsinə vəsiqə qazanmaq istəyirik. Cari mövsüm bunu gerçəkləşdirmək üçün mübarizə aparacağıq".
"Qarabağ" AEL ilə ilk görüşünü avqustun 5-də "AEK Arena", cavab qarşılaşmasını avqustun 12-də Tofiq Bəhramov adına Respublika stadionunda keçirəcək.
Səfərdəki matç Bakı vaxtı ilə saat 21:00-da, Tofiq Bəhramov adına Respublika stadionundakı görüş isə saat 20:00-da başlayacaq.