Azərbaycan millisinin Moldova ilə yoldaşlıq görüşündə zədələnən Bədavi Hüseynovun durumu ürəkaçan deyil.
Bu barədə Sportinfo.az-a açıqlamasında "Qarabağ"ın mətbuat xidmətinin rəhbəri Gündüz Abbaszadə məlumat verib.
Sitat: "Bədavi Hüseynov dizindən xəsarət alıb. İlkin müayinədən sonra 2 ay müddətinə sıradan çıxdığı dəqiqləşib. Bu isə o deməkdir ki, mərkəz müdafiəçisi "Qarabağ"ın təlim-məşq toplanışlarına qatıla bilməyəcək".
Xatırladaq ki, 29 yaşlı futbolçu Azərbaycan millisinin heyətində Moldovaya qarşı baş tutan yoldaşlıq görüşünün 80-cı dəqiqəsində zədələnərək oyunu vaxtından əvvəl tərk etmişdi.