Premyer Liqada son mövsümün gümüş mükafatçısı “Qarabağ” iyunun 14-də hazırlığa başlayacaq.
Sportinfo.az-ın məlumatına görə, Ağdam klubu məşqlərə Bakıda start verəcək.
Təlim-məşq toplanışının ikinci mərhələsi Avstriyada keçiriləcək. Qurban Qurbanovun komandası adıçəkilən ölkədə 3 yoxlama görüşünə çıxacaq. Hazırda rəqiblərin adları müəyyənləşdirilir,
“Qarabağ” bu mövsüm ölkəmizi yeni yaradılan Konfrans Liqasında təmsil edəcək. Ağdam klubu mübarizəyə 2-ci təsnifat mərhələsindən başlayacaq.
Bu mərhələnin püşkü iyulun 12-də atılacaq. İlk oyunlar iyulun 22-də, cavab matçları 29-da keçiriləcək.