"Əvvəllər əsasən hücum bölgəsində çıxış edirdim. Daha sonra Azərbaycana cinah yarımmüdafiəçisi kimi yollandım".
Sportinfo.az xəbər verir ki, bu fikirləri "Qarabağ"ın sabiq legioneri Donald Gerye hazırda çıxış etdiyi "Apollon"un (Kipr) rəsmi jurnalına müsahibəsində oynadığı mövqelər barədə danışarkən deyib.
Haitili yarımmüdafiəçi son illərdə cinah müdafiəçisi kimi çıxış etməsinin səbəbini açıqlayıb. O, bildirib ki, hər şey Çempionlar Liqasının qrup mərhələsinin İspaniya "Atletiko"su ilə oyununda baş verdi:
"Müdafiəçi qırmızı vərəqə aldıqdan sonra baş məşqçi məni həmin mövqedə sınamağa başladı. O vaxtdan müdafiənin solunda oynayıram. Yalnız qapıda durmamışam. Qorxuram ki, top başıma dəyər".