"İnter"in baş məşqçisi Antonio Konte həmkarları Yurgen Kloppla Pep Qvardiolaya söz atıb.
Sportinfo.az xəbər verir ki, italiyalı mütəxəssis "Liverpul" və "Mançester Siti"ni çalışdıran məşqçilərdən fərqli olaraq, İngiltərədəki ilk ilindəcə çempion olduğunu xatırladıb:
"Çelsi"dəki ilk mövsümümdəcə Premyer Liqada çempion oldum. İkinci ilimdə isə İngiltərə Kubokunu qazandım. 4-cü ili olmasına baxmayaraq, Klopp indiyə qədər İngiltərədə heç nə qazanmayıb. Qvardiola isə ilk mövsümündə "Mançester Siti" ilə heç bir titula sahib çıxa bilmədi".
Konte 2016-2018 mövsümündə "Çelsi"nin sükanı arxasında olub.