.jpg)
İngiltərə millisinin sabiq üzvü Pol Qaskoyn bu yaxınlarda xoşagəlməz hadisə ilə üzləşib. Sportinfo.az Britaniya mətbuatına istinadən xəbər verir ki, əfsanəvi futbolçu Londondakı supermarketlərdən birindən şərab aldıqdan sonra kassaya pul ödəməyi unudub.
Qiyməti təqribən 11 avro olan şərabı götürən veteran oyunçu birbaşa çıxış qapısına yaxınlaşıb. Bu vaxt mühafizəçi onu saxlayaraq, pulu ödəməsini tələb edib. Üzr istəyən Qaskoyn kassaya yaxınlaşaraq, şərabın pulunu verib.
Qeyd edək ki, Qaskoyn dəfələrlə spirtli içki asılılığına görə müalicə alıb. Bu ilk dəfə 1998-ci ildə, keçmiş futbolçu "Midlsbro"da çıxış edərkən olub.
Qaskoyn futbolçu karyerası ərzində "Nyukasl", "Tottenhem", "Latsio", "Reyncers", "Midlsbro", "Everton", "Bernli", "Qansu Tyanma" və "Boston Yunayted"də oynayıb.
