“Avro-2020”nin gedişatı zamanı İngiltərə milliisinin oyunçularının ünvanına sosial şəbəkələrdə 12 min 500 təhqiramiz mesaj ünvanlanıb.
Sportinfo.az xəbər verir ki, bu haqda “Daily Mail” nəşri məlumat yayıb.
İnstaqram və Tvitterdəki mesajlar əsasən futbolçuların irqi və etnik mənsubiyyəti, cinsi orientasiyası ilə bağlı olub. Həmçinin onların özləri və ailə üzvləri də hədələnib.
“Crisp” analitik şirkətinin hesablamasına əsasən, mesajlar 10 min fərqli akkauntdan yazılıb. Bu, “Avro-2020” zamanı ingilis futbolçularla bağlı sosial şəbəkədə yazılanların 3 faizini təşkil edir.