"Bütün ölkələrdə çempionatlar başa çatdırılmalıdır”

2 Aprel 2020 09:28 Premyerliqa 603
"Bütün ölkələrdə çempionatlar başa çatdırılmalıdır”

UEFA milli assosiasiyaların nümayəndələri ilə videokonfrans keçirib.

Sportinfo.az xəbər verir ki, tərəflər koronavirus pandemiyası üzündən Avropada dayandırılan daxili və qitəmiqyaslı turnirlərin taleyini müzakirə edib.

Qərara alınıb ki, bütün ölkələrdə çempionatlar başa çatdırılmalıdır. Bununla da UEFA assosiasiyalara oyunların yayda keçirilməsinə faktiki olaraq icazə verib.

Bu videokonfransadək assosiasiyalar çempionatların iyunun sonunda başa çatmasına uyğun təqvim hazırlayırdı. Lakin UEFA prezidenti Aleksander Çeferin açıqlayıb ki, çempionat matçlarının keçirilməsi üçün mövsüm uzadılacaq.

Turnirlərin bərpa vaxtı qeyri-müəyyən olaraq qalır. Əksər ölkələr aprelin sonunadək bütün matçları dayandırıb. Bugünkü toplantıda UEFA birmənalı şəkildə nümayiş etdirib ki, yarışların başa çatmasını istəyir və bunun üçün yollar axtarır. Belarus istisna olmaqla bütün Avropa ölkələrində çempionat dayandırılıb.

Digər Xəbərlər
Xəbər Lenti