.jpg)
Yersiz top itkiləri oyunumuza təsir etdi və bu, matçı məğlubiyyətlə başa vurmağımıza səbəb oldu.
Sportinfo.az xəbər verir ki, bunu "Xəzri"nin baş məşqçisi Murat Dikmen "Neftçi"yə 61:65 hesabı ilə uduzduqları Azərbaycan Kubokunun final oyunu ilə bağlı danışarkən deyib.
Mütəxəssis rəqibi qələbə münasibəti ilə təbrik edib:
"Bu matç gecə ilə gündüz kimi idi. İlk yarıda istədiyimiz kimi oynadıq.
Üçüncü perioddan sonra isə müdafiədəki aqressivliyimizi itirdik və hücumda yanlış qərarlar verdik.
Çox top itirdik. Ona görə də rəqib bundan yaxşı istifadə edib görüşə ortaq oldu".
Murat Dikmen son periodda matça nəzarət edə bilmədiklərini söyləyib:
"30 dəqiqə hesabda öndə olduqdan sonra rəqibin üstünlüyü ələ alması oyunuçlarımda təzyiq yaratdı. Əslində orada elə də çox fərq yox idi. "Neftçi" foul limitində idi, ancaq biz hücumda yanlış addımlar atırdıq.
Hələ yolun əvvəlindəyik. Təbii ki, bunlar bəhanə deyil. Daha çox çalışıb hədəfə yönəlməliyik".
